મોરબી જિલ્લો હવે બોર્ડર રેન્જમાં સામેલ ગૃહ વિભાગે કર્યો નિર્ણય, અગાઉ રાજકોટ રેન્જમાં હતો સમાવેશ
ગુજરાત સરકારે કાયદો અને વ્યવસ્થા સુદ્રઢ બનાવવા મોરબી જિલ્લાને 'કચ્છ-બોર્ડર રેન્જ'માં સમાવવાનો મહત્વનો નિર્ણય લીધો છે. અત્યાર સુધી મોરબી જિલ્લો રાજકોટ રેન્જનો ભાગ હતો.
ગૃહ વિભાગ દ્વારા જાહેર કરાયેલા નવા ઠરાવ મુજબ, બોર્ડર રેન્જનું પુનર્ગઠન કરવામાં આવ્યું છે અને નવી બનાસકાંઠા રેન્જની પણ રચના કરાઈ છે. આ ફેરફાર અંતર્ગત મોરબી જિલ્લાને સત્તાવાર રીતે બોર્ડર રેન્જમાં સ્થાન અપાયું છે.
સરકારી યાદી અનુસાર, મોરબી જિલ્લો ભૌગોળિક રીતે સરહદી કચ્છ જિલ્લાને અડીને આવેલો છે. ભુજ-કચ્છ બોર્ડર રેન્જનો વિસ્તાર વિશાળ અને આંતરરાષ્ટ્રીય જમીન સરહદ ધરાવતો હોવાથી વહીવટી સરળતા અને કાયદો-વ્યવસ્થા પર વધુ અસરકારક નિયંત્રણ જાળવવાના હેતુથી આ નિર્ણય લેવાયો હોવાનું જાણવા મળ્યું છે
આ નવા નિર્ણય બાદ રાજકોટ રેન્જમાં હવે રાજકોટ ગ્રામ્ય, જામનગર, દેવભૂમિ દ્વારકા અને સુરેન્દ્રનગર જિલ્લાઓનો સમાવેશ થશે. જ્યારે મોરબી જિલ્લો હવે પશ્ચિમ કચ્છ-ભુજ અને પૂર્વ કચ્છ-ગાંધીધામની સાથે બોર્ડર રેન્જનો મહત્વનો ભાગ બનશે, જેનું મુખ્ય મથક ભુજ રહેશે.
✍️દિનેશ બી જાખેસરા (પત્રકાર) વાવ થરાદ મીડિયા
0 ટિપ્પણીઓ