વાવ, થરાદ અને સુઈગામ પંથકમાં પીવાના પાણી માટે વલખાં
“નલ સે જલ”ની વાતો વચ્ચે ગ્રામજનો પાણી માટે પરેશાન
વાવ, થરાદ અને સુઈગામ પંથકના અનેક ગામોમાં હાલ પીવાના પાણીની ગંભીર સમસ્યા સર્જાઈ છે. ઉનાળાની કડકડતી ગરમી વચ્ચે ગ્રામજનોને પાણી માટે ભારે હાલાકીનો સામનો કરવો પડી રહ્યો છે. અનેક વિસ્તારોમાં નિયમિત પાણી વિતરણ ન થતાં લોકો દૂર દૂર સુધી પાણી લેવા મજબૂર બન્યા છે.
સ્થાનિક લોકોના જણાવ્યા અનુસાર, ઘણા ગામોમાં દિવસો સુધી પૂરતું પાણી મળતું નથી, જેના કારણે મહિલાઓ અને વૃદ્ધોને પાણી માટે વલખાં મારવા પડી રહ્યા છે. કેટલીક જગ્યાએ લોકો ટેન્કર પર નિર્ભર બન્યા છે, જ્યારે કેટલાક ગામોમાં પાણીની બુમરાડ ઉઠી રહી છે.
સરકાર દ્વારા “નલ સે જલ” જેવી યોજનાઓના મોટા દાવાઓ અને કરોડોના ખર્ચ છતાં જમીન પરની હકીકત અલગ જોવા મળી રહી છે. ગ્રામજનોનો આક્ષેપ છે કે વિકાસની મોટી મોટી વાતો વચ્ચે આજે પણ છેવાડાના લોકો પીવાના પાણી માટે સંઘર્ષ કરી રહ્યા છે.
આ મુદ્દે વાવના ધારાસભ્ય અને રાજ્યના મંત્રી સ્વરૂપજી ઠાકોર દ્વારા પણ અગાઉ ટકોર કરવામાં આવી હતી, છતાં હાલ પરિસ્થિતિમાં કોઈ ખાસ સુધારો જોવા મળતો નથી.
હવે ગ્રામજનોની માંગ છે કે તંત્ર તાત્કાલિક પગલાં ભરી નિયમિત પાણી પુરવઠો સુનિશ્ચિત કરે જેથી લોકોને આ મુશ્કેલીમાંથી રાહત મળી શકે.
📰સમાચાર માટે જોડાઓ અમારી સાથે,✍️પત્રકાર દિનેશ બી જાખેસરા, વાવ-થરાદ મો.9624272458
0 ટિપ્પણીઓ